تحریک انصاف کے چیئرمین بیرسٹر گوہر علی خان نے خیبرپختونخوا میں امن و امان کی صورتحال پر شدید تشویش کا اظہار کرتے ہوئے باجوڑ میں جاری فوجی کارروائی کی مخالفت کر دی ہے۔

یونیورسٹی آف بونیر میں یومِ آزادی کی تقریب سے خطاب کرتے ہوئے تحریک انصاف کے چیئرمین بیرسٹر گوہر علی خان  نے کہا کہ ریاست کو اب فیصلہ کرنا ہوگا کہ سیاسی استحکام چاہیے یا مسلسل غیر یقینی حالات۔ ہر روز وفاداریاں تبدیل کروانے اور سیاسی جماعتوں کو توڑنے کا عمل بند ہونا چاہیے۔ اگر ہم واقعی ملک کو بچانا چاہتے ہیں تو سب کو ایک قدم پیچھے ہٹ کر ہاتھ ملانا ہوگا۔