14 اگست کو یوم آزادی کی مناسبت سے پاکستان بھر میں پرچم کشائی کی تقریبات منعقد کی جائیں گی۔ وفاقی حکومت کی جانب سے جاری کردہ ایک اعلامیے میں کہا گیا ہے کہ وفاقی دارالحکومت اسلام آباد میں صبح 8 بجے پر چم کشائی کی مرکزی تقریب ہوگی قومی یکجہتی کے فروغ کیلئے تمام صوبائی حکومتوں کو بھی ہدایت کی گئی ہے کہ وہ اسی وقت یعنی صبح 8 بجے اپنے اپنے صوبوں میں پرچم کشائی کی تقریبات کا اہتمام کریں اعلامیے میں تمام متعلقہ اداروں اور اسٹیک ہولڈرز سے بھی درخواست کی گئی ہے کہ وہ 14 اگست کو صبح 8 بجے اپنی اپنی جگہوں پر پرچم کشائی کی تقریبات کا انعقاد یقینی بنا ئیں تقریبات کے حتمی شیڈول اور تفصیلات مجاز اتھارٹی کی منظوری کے بعد جلد ہی جاری کر دی جائیں گی۔