خیبر پختونخوا سمیت ملک بھر میں غیرت کے نام پر 392 خواتین کو قتل کیا گیا ہے ، ہیومن رائٹس کمیشن آف پاکستان کے جاری کردہ اعداد و شمار کے مطابق گزشتہ سال ملک بھر میں جنوری سے نومبر تک 392 خواتین غیرت کے نام پر قتل ہوئیں ان میں سے پنجاب میں 168 ، سندھ میں 151، خیبر پختونخوا میں 52، بلوچستان میں 19 جب کہ اسلام آباد سے دو کیسز رپورٹ ہوئے۔ ملک میں گزشتہ برس ریپ کیسز کی تعداد 1969 ، گھر یلو تشدد کے کیسز کی تعداد 299 ، جلائے جانے کے واقعات 30 اور تیزاب گردی کے 43 کیسز سامنے آئے۔ رپورٹ کے مطابق سال 2024 میں جبری تبدیلی مذہب کے کیسر کی تعداد 11 جبکہ دیگر واقعات میں ملک بھر میں 980 خواتین کو قتل کیا گیا۔
