ڈپٹی کمشنر باجوڑ شاہد علی خان نے اسسٹنٹ کمشنر خار ڈاکٹر صادق علی کے ہمراہ گزشتہ روز بم دھماکے کے نتیجے میں شہید ہونے والے تحصیلدار عبدالوکیل کے گھر جا کر اہلِ خانہ سے تعزیت کی۔ اس موقع پر انتظامی افسران بھی ان کے ہمراہ تھے۔

ڈپٹی کمشنر نے شہید کے اہلِ خانہ سے دلی ہمدردی کا اظہار کرتے ہوئے کہا کہ شہداء قوم کا فخر اور سرمایہ ہیں، ان کی قربانیاں ہمیشہ یاد رکھی جائیں گی۔ ضلعی انتظامیہ اس غم کی گھڑی میں شہیدا کے خاندانوں کے دکھ میں برابر کی شریک ہے۔

ڈپٹی کمشنر نے شہداء کے بلند درجات، مغفرت اور لواحقین کے لیے صبرِ جمیل کی دعا کی۔ بم دھماکے میں زخمی ہونے والے افراد کی جلد صحت یابی کے لیے بھی خصوصی دعا اور فاتحہ خوانی کی گئی