بنوں: ضلع بنوں کے مختلف علاقوں سے 3 افراد کی لاشیں ملنے کے بعد علاقے میں خوف و تشویش کی فضا پیدا ہوگئی، پولیس نے واقعے کی تحقیقات شروع کردی۔
پولیس ذرائع کے مطابق تحصیل ڈومیل کے علاقے تلگئی سے 2 افراد کی لاشیں برآمد ہوئیں، جبکہ تیسری لاش گریڑہ شاہجہان کے علاقے سے ملی۔
ابتدائی تحقیقات کے مطابق تینوں افراد کو فائرنگ کرکے قتل کیا گیا، تاہم قتل کے محرکات اور واقعے میں ملوث افراد کے بارے میں تاحال کوئی حتمی معلومات سامنے نہیں آسکیں۔
پولیس نے تینوں لاشوں کو شناخت اور ضروری قانونی کارروائی کے لیے ہسپتال منتقل کردیا ہے، جبکہ مختلف پہلوؤں سے تحقیقات کا سلسلہ جاری ہے۔
ذرائع کے مطابق ایک ہی ضلع کے مختلف علاقوں سے 3 لاشیں ملنے کے واقعات کے بعد مقامی سطح پر تشویش پائی جاتی ہے، تاہم پولیس کی جانب سے تحقیقات مکمل ہونے کے بعد ہی واقعے کی مزید تفصیلات سامنے آنے کا امکان ہے۔
