اماراتی حکام کے مطابق عید کی نماز صرف مساجد کے اندر ادا کی جائے گی، عید کی نماز کھلی جگہوں پر ادا کرنے کی اجازت نہیں ہوگی۔

حکام کا کہنا ہے کہ یہ فیصلہ عوام کی حفاظت کو برقرار رکھنے کے لیے کیا گیا ہے۔

حکام کا مزید کہنا ہے کہ متحدہ عرب امارات کی تمام مساجد میں اس حوالے سے تمام انتظامات مکمل ہیں اور عوام سے اپیل کی گئی ہے کہ وہ متعلقہ حکام کی جانب سے جاری کردہ ہدایات پر عمل کریں۔

دوسری جانب عیدالفطر کا چاند دیکھنے کے لیے آج امارات اور سعودی عرب میں ملاقاتیں ہوں گی۔