واشنگٹن: تفصیلات کے مطابق امریکہ کی متعدد ریاستیں خطرناک برفانی طوفانوں کی زد میں ہیں۔ان رپورٹوں کے مطابق امریکا میں سخت  برفباری اور بارش کی وجہ سے 20 کروڑ سے زائد افراد متاثر ہونے کا امکان ہے۔

اوکلاہوما، ٹیکساس اور آرکنساس میں شدید قسم کی برف باری ہوئی جس کے سبب  18 ریاستوں میں ایمرجنسی نافذ کی جا چکی ہے۔واشنگٹن، نیویارک، فلاڈیلفیا اور بوسٹن میں شدید برفباری کا امکان ہے، نیویارک کے میئر نے لوگوں کو گھروں میں رہنے کی ہدایت کردی ہے۔

نیشنل گارڈز  کو  9 ریاستوں میں متحرک کردیا گیا۔ اس طرح شدید برفباری کی وجہ سے امریکا بھر میں 10 ہزار سے زائد  ہوائی پروازیں منسوخ کر دی گئیں جبکہ 84 ہزار سے زائدلوگوں کی  بجلی منقطع ہوچکی ہے۔امریکی صدر نے کہا کہ طوفان سے متاثرہ ریاستوں کے ساتھ رابطے میں ہیں۔  ریاستی ادارے شہریوں کی حفاظت یقینی بنائیں گے۔