لندن۔ برطانیہ نے بڑے پیمانے پر جنگی تیاریاں شروع کر دیں، مسلح افواج کے وزیر کرنل اسکوٹ نے کہا کہ جنگ کے سائے یورپ کے دروازے پر دستک دے رہے ہیں، برطانیہ کو تیار رہنا چاہیے۔

ایک انٹرویو میں برطانوی وزیر نے کہا کہ گزشتہ ایک سال کے دوران برطانیہ کے خلاف دشمن کی انٹیلی جنس سرگرمیوں میں 50 فیصد سے زائد اضافہ ہوا ہے۔

انہوں نے زور دیا کہ نیٹو ممالک کو جنگی تیاریوں پر اخراجات میں اضافہ کرنا چاہیے۔ انہوں نے کہا کہ گزشتہ پچاس سے ساٹھ سالوں سے برطانیہ نے اپنا دفاع امریکا کو آؤٹ سورس کیا تھا لیکن اب برطانیہ کو اپنے دفاع کے لیے امریکا پر انحصار ختم کرنا ہوگا۔