پشاور ( ) ایس پی فقیر آباد ڈویژن محمد ارشد خان کی ہدایات پر ڈی ایس پی فقیر آباد سرکل عمر آفریدی کی نگرانی میں ایس ایچ او تھانہ فقیر آباد عاکف انجم نے کامیاب کارروائی کرتے ہوئے دوہرے قتل میں ملوث ملزم کو 24 گھنٹوں کے اندر اندر گرفتار کرلیا، ملزم میر افضل نے منہ زبانی تکرار پر فائرنگ کرکے مقتولین رحیم گل اور نعمت خان کے ساتھ سڑک کے کنارے گاڑی ہتھ ریڑی کے تنازعہ پر منہ زبانی تکرار ہوئی، جس پر ملزم میر افضل نے فائرنگ کرکے دونوں کو قتل کردیا، جس کو ایس ایچ او تھانہ فقیر آباد عاکف انجم نے 24 گھنٹوں کے اندر اندر سراغ لگا کر گرفتار کرلیا، گرفتار ملزم نے ابتدائی تفتیش کے دوران اپنے جرم کا اعتراف کرتے ہوئے واقعہ کو منہ زبانی تکرار کا شاخسانہ قرار دیا، ملزم کے قبضے سے واردات میں استعمال ہونے والا آلہ قتل پستول بھی برآمد کرلیا گیا ہے، جس سے مزید تفتیش جاری ہے،
تفصیلات کے مطابق مدعی حمید گل ولد ثناء گل نے تھانہ فقیر آباد پولیس کو اپنے بھائی مقتول رحیم گل اور نعمت گل کے قتل کی رپورٹ کی، جس پر مقدمہ درج کرکے مزید تفتیش شروع کردی گئی
ایس پی فقیر آباد ڈویژن محمد ارشد خان نے دوہرے قتل کا سختی سے نوٹس لیتے ہوئے ڈی ایس پی فقیر آباد سرکل عمر آفریدی کی نگرانی میں ایس ایچ او تھانہ فقیر آباد عاکف انجم پر مشتمل خصوصی ٹیم تشکیل دی
ایس ایچ تھانہ فقیر آباد عاکف انجم نے دیگر نفری پولیس کے ہمراہ کامیاب کارروائی کے دوران واقعہ میں ملوث ملزم میر افضل ولد خان میر سکنہ قاضی کلے کا 24 گھنٹوں کے اندر اندر سراغ لگا کر گرفتار کرلیا، گرفتار ملزم نے ابتدائی تفتیش کے دوران دوہرے قتل میں ملوث ہونے کا اعتراف کرتے ہوئے واقعہ کو منہ زبانی تکرار کا شاخسانہ قرار دیا، جس سے مزید تفتیش جاری ہے،
