سینٹ میں 6 سیٹیں ملنے کی بھی توقع نہیں تھی، بیرسٹر گوہر
مذاکرات کا وقت ختم ، اب وہ ہی ہوگا جو عمران خان ہدایات دیں گے، لوگ مرزا آفریدی کا نام لیتے ہیں جبکہ خود خان نے ان کا نام فائنل کیا تھا۔ جوڈیشل کمپلیکس میں میڈیا سے گفتگو کرتے ہوئے چیئر مین پی ٹی آئی بریسٹر گوہر نے کہا کہ کے پی کے میں سینٹ الیکشن خوش اسلوبی کے ساتھ ہوئے ہیں، پی ٹی آئی نے سارے نام پہلے ہی فائنل کر لئے تھے، اس میں ایک نام بھی ایسا نہیں جو عمران خان کی مشاورت کے بغیر ڈالا گیا ہو۔ ان کا کہنا تھا کہ مارچ 2024 میں یہ سارا کچھ فائنل ہو گیا تھا، پھر مخصوص نشستوں کی وجہ سے اس میں بر یک آ گیا تھا، جب مخصوص نشستوں کا فیصلہ ہوا تو ہم سمجھے کہ ہمیں اتنی سیٹیں اب نہیں ملیں گی جتنی ہماری بنتی ہیں، ہم اتنے کی ہی توقع کر رہے تھے یہ بہتر ہوا ہے۔ بیرسٹر گوہر نے کہا کہ ہمیں چھ سیٹیں ملی ہیں یہ بہترین ہو گیا ہے، دو سال ہو گئے ہیں اب سختیاں ختم ہونی چاہیے ، بانی پی ٹی آئی عمران خان سے آخری ملاقات بیرسٹر سیف کی ہوئی پھر ان کی بہنوں کی ملاقات ہوئی ، اس پر لوگ شکوک وشبہات کرتے ہیں۔
