تمام اخراجات صوبائی حکومت برداشت کرے گی 2 لاکھ کا چیک بھی دیا جائے گا
خیبر پختونخوا حکومت کے زیر اہتمام پہلی بار سرکاری سطح پر اجتماعی شادیوں ( خیبر پختونخوا اجتماعی خانہ آبادی ) کا آغاز کیا جا رہا ہے اس مہم کا پہلا مرحلہ ضلع پشاور سے شروع ہو رہا ہے، جہاں 30 مستحق ، نادار اور یتیم جوڑوں کی اجتماعی شادیاں منعقد کی جائیں گی ان شادیوں کے تمام اخراجات صوبائی حکومت برداشت کرے گی ، اور ہر جوڑے کو مالی معاونت کے طور پر 2 لاکھ روپے کا چیک بھی دیا جائے گا صوبائی وزیر برائے زکواۃ، عشر و سماجی بہبود سید قاسم علی شاہ نے محکمہ زکواۃ و عشر کے زیر اہتمام منعقدہ اس خصوصی تقریب کے حوالے سے ویڈیو پیغام جاری کیا ہے انہوں نے اس اقدام کو صوبے میں سماجی بہبود اور مستحقین کی مدد کی جانب ایک اہم قدم قرار دیا ہے۔
