ڈی جی آئی ایس پی آر لیفٹیننٹ جنرل احمد شریف چودھری نے امریکی نشریاتی ادارے سی این این کو انٹرویو دیتے ہوئے تصدیق کی ہے کہ پاکستانی فوجی دستے کئی دہائیوں سے سعودی عرب میں موجود ہیں۔

انہوں نے کہا کہ پاکستان اور سعودی عرب کے درمیان پرانے دفاعی تعلقات ہیں اور مکہ دفاعی معاہدے کے تحت سعودی عرب میں موجود پاکستانی فوجی مختلف شعبوں سے تعلق رکھتے ہیں۔

تاہم انہوں نے فوجیوں کی تعداد اور ان کی صلاحیتوں کے بارے میں تفصیلات دینے سے انکار کرتے ہوئے کہا کہ یہ معلومات خفیہ ہیں۔