بارشوں کے باعث ہونے والے نقصانات کی رپورٹ جاری
پشاور: پاکستان ڈیزاسٹر مینجمنٹ اتھارٹی (پی ڈی ایم اے) نے خیبرپختونخوا میں حالیہ بارشوں کے باعث ہونے والے نقصانات کی رپورٹ جاری کر دی۔
رپورٹ کے مطابق بارش، سیلاب، فلیش فلڈ اور لینڈ سلائیڈنگ کے باعث صوبے میں گزشتہ 48 گھنٹے کے دوران مختلف حادثات کے نتیجے میں 19 افراد جاں بحق اور 6 زخمی ہوئے۔ جاں بحق افراد میں 6 مرد، 5 خواتین اور 8 بچے شامل ہیں۔ جبکہ بارش سے مجموعی طور پر 56 گھروں کو نقصان پہنچا۔
بارش کے باعث حادثات سوات، ایبٹ آباد، چارسدہ، ملاکنڈ، شانگلہ، دیر لوئر اور تورغر میں پیش آئے۔
