تحسین اللہ
نیوزی لینڈ سے شکست کے باوجود پاکستان نیشنز ہاکی کپ کے سیمی فائنل میں کوالیفائی کرنے میں کامیاب
تفصیلات کے مطابق نیشنز ہاکی کپ میں پاکستان بہتر گول اوسط کی بنیاد پر ایونٹ کے سیمی فائنل کے لئے کوالیفائی کرگیا۔ جمعہ کو سیمی فائنل میں پاکستان کا سامنا فرانس سے ہوگا۔ جبکہ دوسرے سیمی فائنل میں ساوتھ کوریا کا مقابلہ نیوزی لینڈ سے ہوگا۔
ملائشیا کے شہر کوالالمپور میں جاری ایف آئی ایچ نیشنز ہاکی کپ میں ملائیشیا کو جاپان کے خلاف دو گول کے فرق سے جیتنا ضروری تھا مگر جاپان نے آخری چار منٹ میں گول کرکے پاکستان کی سیمی فائنل کے لیے راہ ہموار کر دی۔
پوائنٹس ٹیبل پر پاکستان اور ملائیشیا کے چار چار پوائنٹس ہوگئے مگر ایک گول زیادہ ہونے کی وجہ سے پاکستان سیمی فائنل میں جگہ بنانے میں کامیاب رہا۔
اس سے پہلے پاکستان اور نیوزی لینڈ کے مابین کھیلا جانے والا میچ نیوزی لینڈ نے 3ـ4 سے جیتا تھا۔
پاکستان کی جانب سے پہلا اور دوسرا گول یکے بعد دیگرے 13 ویں اور 14 ویں منٹ میں عبدالرحمن نے کیا۔ 28 ویں منٹ میں رانا وحید اشرف نے پاکستان کی جانب سے تیسرا گول سکور کیا۔
پانچویں اور چھٹے پوزیشن کیلئے 21 جون ، تھرڈ اور فورتھ پوزیشن کیلئے بھی 21 جون کو مقابلے کھیلے جائیں گے جبکہ نیشن ہاکی کپ کا فائنل 21 جون کو ملیشیا کے دارالحکومت کولالمپور کے نیشنل ہاکی سٹیڈیم میں کھیلا جائے گا۔
