باجوڑ: 14 اگست کے موقع پر باجوڑ پریمیئر لیگ کی شاندار افتتاحی تقریب منعقد ہوئی، جس میں آئی جی ایف سی فرنٹیئر کور میجر جنرل راؤ عمران سرتاج کی جانب سے باجوڑ پریمیئر لیگ کے لیے 15 لاکھ روپے اسپانسر کرنے کا اعلان کیا گیا۔

اس موقع پر آئی جی فرنٹیئر کور میجر جنرل راؤ عمران سرتاج اور باجوڑ اسکاؤٹس کے کمانڈنٹ بریگیڈیئر گمن نے کہا کہ باجوڑ میں کھیلوں کے فروغ کے لیے مکمل تعاون جاری رکھا جائے گا۔ انہوں نے کہا کہ کھیل نوجوانوں کو مثبت سرگرمیوں کی جانب راغب کرنے اور علاقے میں امن و بھائی چارے کے فروغ میں اہم کردار ادا کرتے ہیں۔

تقریب میں باجوڑ پریمیئر لیگ کے شاندار انعقاد اور 14 اگست کے موقع پر بہترین آغاز پر لعلی شاہ پختونیار کو بھی خراجِ تحسین پیش کیا گیا۔

شرکاء نے باجوڑ میں کھیلوں کے فروغ اور نوجوانوں کے لیے مثبت سرگرمیوں کے انعقاد کو خوش آئند قرار دیتے ہوئے اس سلسلے میں مزید اقدامات کی ضرورت پر زور دیا۔