پاکستانی فوج نے انڈین حملوں میں جانی نقصان کی تفصیل جاری کر دی۔
بیان کے مطابق
”انڈین افواج نے خواتین، بچوں اور بوڑھوں سمیت معصوم شہریوں کو نشانہ بناتے ہوئے بلا اشتعال اور قابل مذمت وحشیانہ حملے شروع کیے۔
ان وحشیانہ حملوں کے نتیجے میں 40 شہری شہید ہوئے جن میں 7 خواتین اور 15 بچے شامل تھے جبکہ 121 دیگر زخمی ہوئے جن میں 10 خواتین اور 27 بچے بھی شامل تھے۔
اس سنگین جارحیت کے جواب میں پاکستان کی مسلح افواج نے معرکہ حق کے جھنڈے تلے بھرپور جوابی کارروائی کی، آپریشن بُنیان نرصوص کے ذریعے درست اور نمایاں جوابی حملے کیے۔ مادر وطن کا دفاع کرتے ہوئے پاکستان کی مسلح افواج کے 11 جوان شہید اور 78 زخمی ہوئے۔ ان میں سے چھ آرمی اور پانچ ایئرفورس کے اہلکار تھے۔“
