افغان مہاجرین کی واپسی، یکم اپریل سے اب تک 944 غیر ملکی خاندان ملک بدر ، غیر ملکیوں کو مختلف شہروں سے لنڈی کوتل ٹرانزٹ کیمپ میں لایا گیا تھا۔
تفصیلات کے مطابق حکومت کی جانب سے دی گئی ڈیڈ لائن ختم ہونے کے بعد افغان مہاجرین کی واپسی کا سلسلہ جاری ہے اور یکم اپریل سے لیکر اب تک 6700افراد پر مشتمل 944غیر ملکی خاندانوں کو ملک بدر کیاگیا ہے ، غیر ملکیوں کو مختلف شہروں سے لنڈی کوتل ٹرانزٹ کیمپ میں لایاگیاتھا جنہیں ضروری کارروائی کے بعد طورخم سرحد کے راستے ملک بد رکیاگیا ۔
ملک بدر کیے گئے خاندانوں میں 2874 مرد، 1755خواتین اور 2071بچے ،بچیاں شامل ہیں۔
دوسری جانب ،راولپنڈی میں غیر قانونی مقیم غیر ملکیوں وافغان باشندوں کیخلاف پولیس کا کریک ڈائون جاری ہے ، افغان سیٹیزن کارڈ کے حامل اور ویزا کی معیاد ختم ہونے سمیت رہائش کا ثبوت یا دستاویزات نہ ہونے پر ایسے افراد کی پکڑ دھکڑ جاری ہے ۔
دیہی اور مضافاتی علاقوں پر مشتمل تھانوں کی حدود پر مشتمل صدر ڈویژن سے مجموعی طورپر 89افغان باشندوں کو تحویل میں لیکر ہورڈنگ سینٹر منتقل کیاگیا
