دنیا بھر میں پاسپورٹ کی قدر کے حوالے سے انڈیکس جاری کرنے والے ادارے نوماڈپاسپورٹس انڈیکس کے مطابق یورپی ملک آئرلینڈ دنیا کا طاقتور ترین پاسپورٹ کا حامل ملک قرار پایا ہے۔
ناموڈ پاسپورٹ انڈیکس کی درجہ بندی کا فیصلہ کسی بھی ملک میں انسانی حقوق اور امن وامان کو پیش نظر رکھا جاتاہے، چنانچہ اس کڑے معیار کے مطابق ویزا فری سفر، شہریوں پر ٹیکس ، دوہری شہریت، ذاتی آزادی اور دنیا میں اس ملک کے بارے میں لوگوں کے خیالات جیسے 5 شعبوں کو پیش نظر رکھتے ہوئے سال 2025 کی فہرست جاری کی گئی ہے۔
نوماڈپاسپورٹ انڈیکس کے مطابق آئرلینڈ پاسپورٹ سرفہرست قرار پایاہے۔ جس کے ذریعے وہاں کے شہری 176 ممالک میں ویزا لئے بغیر سفر کرسکتے ہیں جبکہ وہاں دیگر شعبوں میں صورتحال بھی دیگر ممالک سے بہتر ہے۔
نوماڈ پاسپورٹ انڈیکس کی جاری کردہ 109 ممالک کی درجہ بندی کے مطابق یونان اور سوئزرلینڈ 108 سکور کیساتھ مشترکہ طورپر دوسرے جبکہ پرتگال چوتھے، مالٹا 5 ویں جبکہ لگسمبرگ ، فن لینڈ اور ناروے مشترکہ طورپر 7 ویں نمبر پر رہے۔
اس فہرست کے مطابق متحدہ عرب امارات ،نیوزی لینڈ اور آئس لینڈ کے حصے میں 10 واں نمبرہے۔ حیرت انگیز طورپر جاپان اور سنگاپور جیسے ممالک اس فہرست میں نمایاں مقام حاصل نہیں کرسکے ہیں۔
کمزور ترین پاسپورٹس میں پاکستان 199 ممالک کی فہرست میں 195 ویں نمبر پر رہا۔
