ٹی20 ورلڈکپ 2026 میں پاکستان کی شرکت یا عدم شرکت سے متعلق اہم فیصلہ آج متوقع ہے، جس حوالے سے حتمی فیصلہ وزیراعظم شہباز شریف کریں گے۔

ذرائع کا کہنا ہے کہ ورلڈکپ میں شرکت کے معاملے پر پاکستان کی جانب سے مختلف آپشنز پر بھی غور کیا جا رہا ہے۔ امکان ہے کہ مکمل بائیکاٹ کے بجائے صرف بھارت کے خلاف میچ کا بائیکاٹ بھی کیا جا سکتا ہے۔

ذرائع کے مطابق ایک تجویز یہ بھی زیرِ غور ہے کہ پاکستانی کھلاڑی احتجاجاً میچ کے دوران سیاہ پٹیاں باندھ کر میدان میں اتریں۔