عالمی شہرت یافتہ تخت بھائی کے تاریخی بدھ مت آثار قدیمہ کے دورے پر آئے ہوئے 15 رکنی جاپانی وفد کو مردان پولیس کی جانب سے فول پروف سیکیورٹی فراہم کی گئی۔

ضلعی پولیس سربراہ ظہور بابر آفریدی کی ہدایت پر ڈی ایس پی کوثر خان کی نگرانی میں سیکیورٹی کے سخت انتظامات کیے گئے، اور تمام داخلی و خارجی راستوں پر مکمل نگرانی رکھی گئی۔

جاپانی وفد نے نہ صرف تخت بھائی کے تاریخی ورثے کو سراہا بلکہ مردان پولیس کے مؤثر سیکیورٹی انتظامات اور دوستانہ رویے کی بھی تعریف کی۔ انہوں نے کہا کہ مردان پولیس نے جس پیشہ ورانہ انداز میں ان کے تحفظ کو یقینی بنایا، وہ قابلِ تحسین ہے