وزیراعلیٰ خیبرپختونخوا سہیل آفریدی نے کہا ہے کہ پاکستان تحریک انصاف جہاں بھی غلط کام کرے اخلاقی حدود میں رہ کر تنقید کریں۔

لاہور میں صحافیوں سے گفتگو کرتے ہوئے سہیل آفریدی نے کہا کہ پی ٹی آئی کی طرح مسلم لیگ ن اور دیگر سیاسی جماعتوں کو بھی تہذیب کے دائرے میں رہ کر تنقید کا نشانہ بنایا جانا چاہیے۔

سہیل آفریدی نے کہا کہ حکومت پی ٹی آئی کے خلاف جو کر رہی ہے اس کے خلاف سب کو آواز اٹھانی چاہیے، عوام سچ اور انصاف کا ساتھ دیں۔

دوسری جانب پنجاب کی وزیراطلاعات عظمیٰ بخاری نے وزیراعلیٰ خیبرپختونخوا سہیل آفریدی پر کڑی تنقید کرتے ہوئے کہا کہ پاکستان نے لاہور کا بہت دورہ کیا، اب خدا کے لیے واپس جا کر خیبرپختونخوا کے لوگوں سے ہمدردی ہے، ان کی بھی سن لیں۔

عظمیٰ بخاری نے کہا کہ کل رات سے بنگلہ دیش کی تصویریں لگا کر خوشی منا رہے تھے لیکن آج دن کی روشنی میں سڑکوں پر تحریک نے اپنے دروازے کھول دیئے۔ سڑکوں پر آنے والی تحریک کو ان کے نعروں کا جواب دینے والا کوئی نہیں ملا۔