قومی اسمبلی کے 299 ارکان نے ایک اجلاس میں بھی شرکت نہیں کی۔

فافن رپورٹ اسلام آباد ۔ فری اینڈ فیئر الیکشن نیٹ ورک ( فافن) نے قومی اسمبلی کے 22 ویں اجلاس کی حاضری رپورٹ جاری کر دی، جو 27 نومبر سے 10 دسمبر 2025 تک سات نشستوں پر مشتمل تھا، اجلاس کے دوران 299 اراکین قومی اسمبلی نے کم از کم ایک نشست میں شرکت نہیں کی۔

رپورٹ کے مطابق ، صرف 34 ارکان نے تمام نشستوں میں شرکت کی، جبکہ 50 ارکان پورے اجلاس کے دوران غیر حاضر رہے۔ چھٹی نشست میں سب سے زیادہ حاضری رہی ، جہاں 61 فیصد ارکان موجود تھے، جبکہ پانچویں نشست میں صرف 35 فیصد ارکان شریک ہوئے۔

مجموعی طور پر تین نشستیں کورم پورا نہ ہونے کی وجہ سے مقررہ ایجنڈا لیے بغیر ہی اختتام پذیر ہوئیں۔ اجلاس کے دوران 299 ارکان نے کم از کم ایک نشست میں شرکت نہیں کی۔

قومی اسمبلی کے کابینہ ارکان میں سے دووز را تمام نشستوں میں شریک رہے، جبکہ آٹھ وفاقی وزرا کسی بھی نشست میں موجود نہ رہے۔ وزیر اعظم نے اجلاس کے کسی بھی حصے میں شرکت نہیں کی۔