اگر واٹس ایپ ہیک ہو جائے تو سب سے پہلے کیا کرنا چاہیے؟ NCCIA نےطریقہ کار بتادیا۔

کراچی: نیشنل سائبر کرائم انویسٹی گیشن ایجنسی (این سی سی آئی اے) نے واٹس ایپ ہیک ہونے کی صورت میں صارفین کو ایمرجنسی پروٹوکول کے بارے میں آگاہ کر دیا ہے۔

این سی سی آئی اے حکام کے مطابق، اگر آپ کا واٹس ایپ ہیک ہوجاتا ہے اور آپ اپنے اکاؤنٹ تک رسائی سے محروم ہوجاتے ہیں یا آپ کو شک ہے کہ کوئی اور اسے استعمال کررہا ہے، تو فوری طور پر واٹس ایپ کو دوبارہ رجسٹر، ان انسٹال اور دوبارہ انسٹال کریں۔

واٹس ایپ میں لاگ ان کرنے کے لیے اپنا فون نمبر درج کریں، آپ کو ایس ایم ایس کے ذریعے 6 ہندسوں کا کوڈ ملے گا، اسے فوراً درج کریں۔

حکام کے مطابق کوڈ کا فائدہ یہ ہے کہ جیسے ہی آپ کوڈ ڈالیں گے، آپ کا واٹس ایپ فوری طور پر ہیکر کے موبائل سے لاگ آؤٹ ہو جائے گا کیونکہ واٹس ایپ ایک وقت میں صرف ایک موبائل پر فعال ہو سکتا ہے۔

حکام کے مطابق اگر ہیکر نے ’ٹو سٹیپ ویریفکیشن‘ آن کر رکھا ہے اور آپ کو پن نہیں معلوم تو واٹس ایپ آپ سے 7 دن انتظار کرنے کو کہہ سکتا ہے، ان 7 دنوں کے انتظار کی فکر نہ کریں۔

جب تک آپ ایس ایم ایس کوڈ (مرحلہ 1) داخل کرتے ہیں، ہیکر لاگ آؤٹ ہوجاتا ہے، اس انتظار کی مدت کے دوران کوئی بھی آپ کا اکاؤنٹ استعمال نہیں کرسکتا اور نہ ہی پیغامات پڑھ سکتا ہے۔

حکام کے مطابق، اگر آپ نے پہلے کسی ای میل ایڈریس کو لنک کیا تھا، تو "PIN بھول گئے" پر کلک کریں اور بغیر انتظار کیے اپنا PIN فوری طور پر دوبارہ ترتیب دیں۔