باجوڑ میں زاہد جان فاونڈیشن کی جانب سے 100 غرباء اور بیوہ خواتین میں پانچ لاکھ ستر ہزار روپے مالیت کا رمضان فوڈ پیکج تقسیم کیا گیا۔
اس سلسلے میں ایک تقریب باجوڑ کے صدر مقام خار میں منعقد ہوئی۔ جس میں ادارے کے چیئرمین زاہد جان ، آل پٹرولیم ایسوسی ایشن باجوڑ کے صدر حاجی سلیمان ، تحصیل چیئرمین حاجی سید بادشاہ ، سینئر صحافی حنیف اللہ جان اور غریب افراد سمیت بیواؤں نے شرکت کی۔ اس موقع پر 100 خاندانوں میں 570000 روپے مالیت کا رمضان فوڈ پیکج تقسیم کیا گیا جن میں بیوہ خواتین، یتیم اور غریب لوگ شامل تھے۔ فوڈ پیکج میں چاول، چینی، دال ، اچار ، کجھور ، گھی وغیرہ شامل تھے۔ اس کے علاوہ مذکورہ لوگوں کو فوڈ پیکج اپنے گھر منتقل کرنے کے لئے نقد پانچ سو روپے کرایہ بھی فی کس دیاگیا۔ اس موقع پر خطاب کرتے ہوئے زاہد جان نے کہا کہ ہمارا مقصد صرف اور صرف اللہ کی رضا ہے اور اللہ تعالیٰ کی رضا کیلئے غریب اور بے سہارا لوگوں کی مدد کرتے ہیں اور انشاء اللہ یہ سلسلہ سارے رمضان میں جاری رہیگا۔ تقریب کے موقع پر غریب اور بے سہارا لوگوں نے فوڈ پیکج کی تقسیم پر زاہد جان خیریہ بنسٹ (زاہد فاونڈیشن) کا شکریہ ادا کیا۔
