صوابی ۔ زیدہ پولیس نے اندھے قتل کیس کوٹریس کر کے ملزم کو آلہ قتل پستول سمیت گرفتار کر لیا قاتل مقتول کا اپنا گا بیٹا نکلا گزشتہ روز عیان اللہ سکنہ موسی بانڈہ نے تھانہ زیدہ میں ایف آئی آر درج کراتے ہوئے بتایا کہ ان کا 52 سالہ والد عباداللہ کو جمعہ کی صبح کو نماز فجر پڑھنے کے لئے مسجد جاتے ہوئے نامعلوم افراد نے فائرنگ کر کے قتل کر دیا۔
اس درد ناک واقعہ کا نوٹس لیتے ہوئے ڈسٹرکٹ پولیس آفیسر صوابی ضیا الدین احمد نے اصل حقائق سامنے لانے اور ملزم کو ٹریس کر کے ان کی فوری گرفتاری کے لئے خصوصی ٹاسک دیا۔ ڈی ایس پی سرکل صوابی اعجاز آباز کی کی قیادت میں ایس ایچ اوتھانہ زیدہ فاروق خان اور تفتیشی ٹیم نے چند گھنٹوں میں اصل ملزم تک رسائی حاصل کر کے مقتول کے سگے بیٹے عیان اللہ کو گرفتار کر لیا۔
تحقیقات کے دوران یہ انکشاف ہوا کہ قتل کوئی بیرونی کارروائی نہیں بلکہ مقتول کا سگا بیٹا ہی قاتل نکلا۔ ملزم نے دوران انٹروگیشن اعتراف کرتے ہوئے بتایا کہ والد کے ساتھ معمولی گھریلو جھگڑوں اور ناراضگی کے باعث اس نے اپنے والد پر فائرنگ کر کے قتل کیا۔
