پی ٹی آئی نے یکم دسمبر 2025 کو صوابی موٹروے بند کرنے کا اعلان کر دیا۔
پی ٹی آئی رہنما احمد خان نیازی نے کہا ہے کہ یکم دسمبر کو پشاور موٹروے سے بڑی ریلی نکالی جائے گی۔
احمد خان نیازی کی قیادت میں ریلی صوابی پہنچے گی جہاں مرکزی احتجاجی مظاہرہ کیا جائے گا۔ انہوں نے کہا کہ یہ ایک روزہ احتجاج ہوگا۔
انہوں نے کہا کہ اس کا مقصد نہ صرف موٹر وے کی بندش ہے بلکہ پی ٹی آئی بانی کی رہائی اور عدالتی حکم کے مطابق ملاقات کو یقینی بنانا ہے۔
احمد خان نیازی نے کہا کہ ان کا مطالبہ صرف ملاقات تک محدود نہیں بلکہ عمران خان کی فوری رہائی کا بھی ہے کیونکہ پی ٹی آئی کے مطابق عمران خان کے خلاف مقدمات سیاسی نوعیت کے ہیں۔
انہوں نے کہا کہ یہ احتجاج عوامی حمایت سے کیا جائے گا، کارکنوں کو ہدایت کی گئی ہے کہ وہ قانون اپنے ہاتھ میں نہ لیں۔
