آپ کو کون روک سکتا ہے؟ پی ٹی آئی کو تو میرے گھر سے بھی ووٹ ملا ۔چیف الیکشن کمشنر۔

اسلام آباد ۔ چیف الیکشن کمشنر سکندر سلطان راجہ نے پی ٹی آئی امید وار نعیم حیدر ہنجھو تھا سے مکالمہ کرتے ہوئے کہا ہے کہ آپ کو تو میرے گھر سے بھی ووٹ ملا ہوا ہے۔

میڈیارپورٹ کے مطابق الیکشن کمیشن میں وزیر اعلی خیبر پختونخواہ سہیل آفریدی کے خلاف نوٹس پر سماعت کے دوران ان کے وکیل علی بخاری اور ایڈووکیٹ جنرل خیبر پختونخواہ نے وکلا سے بدسلوکی کا چیف الیکشن کمشنر سے شکوہ کیا، جس پر سکندر سلطان راجہ نے جواب دیا کہ وکلا کے ساتھ اگر بد سلوکی ہوئی تو میں معذرت کرتا ہوں،

اسی دوران نعیم حیدر پنجو تھا کو مخاطب کرتے ہوئے چیف الیکشن کمشنر نے کہا کہ آپ کو کون روک سکتا ہے ، آپ کو تو میرے گھر سے بھی ووٹ ملا ہوا ہے ، اس پر تحریک انصاف کے رہنما نے کہا کہ جی بالکل مجھے پتہ چلا تھا۔

بعد ازاں وکیل علی بخاری اور ایڈووکیٹ جنرل مخیبر پختونخواہ کے وکلا سے بدسلوکی کے شکوہ پر سکندر سلطان راجہ نے متعلقہ افسران کے خلاف کارروائی کی یقین دہانی کراتے ہوئے کہا کہ وکلا کے ساتھ اگر بدسلوکی ہوئی تو میں پھر معذرت کرتا ہوں۔