انتخابات میں ناکامی،یہی سلسلہ رہا تو ہم کسی اور لائن کی طرف جانی کا سوچیں گے، بیرسٹر گوہر

راولپنڈی۔ پی ٹی آئی کے چیئر مین بیرسٹر گو ہرعلی خان نے ضمنی انتخابات میں ناکامی پر مایوسی کا اظہار کرتے ہوئے کہا ہے کہ ہمارا مینڈیٹ اب بھی قبول نہیں کیا جارہا ہے، اگر یہی سلسلہ رہا تو ہم کسی اور لائن کی طرف جانے کا سوچیں گے۔

چیئر مین پی ٹی آئی بیرسٹر گوہر نے راولپنڈی میں اڈیالہ جیل کے قریب میڈیا سے گفتگو کرتے ہوئے کہا کہ ہمیں پتا ہوتا ہمارا مینڈیٹ اب بھی قبول نہیں کیا جاتا تو ہم ضمنی انتخابات میں حصہ نہ لیتے ضمنی انتخابات میں ہم اپنی ہری پور سیٹ کا دفاع نہیں کر سکے۔

انہوں نے کہا کہ اب خیبر پختونخوا اور ہر جگہ کسی اور کا سکہ چل رہا ہے یہ ظلم ہے، ہری پور کا ہر پولنگ اسٹیشن جیتے اور ہماری 27 ہزار کی لیڈ تھی۔ بیرسٹر گوہر نے کہا کہ ہری پور کی ہماری جیتی ہوئی سیٹ ہمیں نہیں دی گئی ، انہوں نے کہا کہ آج پشاور میں 26 نومبر کی دعائیہ تقریب ہوگی۔