لاہور۔ امیر جماعت اسلامی حافظ نعیم الرحمان نے کہا ہے کہ سیاست طاقتوروں کیلئے ہی رہ گئی، حالات عام آدمی کیلئے سازگار نہیں ہیں۔
حافظ نعیم الرحمان نے تقریب سے خطاب کرتے ہوئے کہا ہے کہ آج اکٹھے ہونے کا مقصد انسانیت کو در پیش مسائل سے آگاہ کرتا ہے، دنیا میں جو نظام چل رہا ہے وہ نا کام ہو گیا، مسلم ممالک کو بہت سے مسائل کا سامنا ہے۔
ان کا کہنا تھا کہ عالمی سطح پر صنعتی ترقی سے عام آدمی کو کچھ نہیں ملا جبکہ عالمی سطح پر سیاسی و معاشی حالات عام آدمی کیلئے سازگار نہیں ہیں۔
امیر جماعت نے کہا کہ سیاست اب طاقتوروں کیلئے ہی رہ گئی ہے، غزہ آج ورلڈ آرڈر کی مثال بن گیا ہے جبکہ کارپوریٹ سیکٹر صرف طاقتور کے ساتھ ہے، ہم انسانیت کے فوجی ہیں جس کے تحفظ کیلئے کام کرتے رہیں گے، غزہ فلسطین میں اقوام متحدہ اور سکیورٹی کونسل کا کوئی کردار نظر نہیں آتا ۔
