پشاور: وفاقی تحقیقاتی ادارے (ایف آئی اے) نے غیر قانونی شناختی دستاویزات حاصل کرنے والے 5 افغان شہریوں کو گرفتار کرلیا۔
ترجمان ایف آئی اے کے مطابق سمگلنگ سرکل نے پشاور میں کارروائی کرتے ہوئے غیر قانونی شناختی دستاویزات کے حصول میں ملوث 5 ملزمان کو گرفتار کرلیا،افغان شہری پاکستان میں غیر قانونی طور پر مقیم تھے۔ افغان شہریوں کو دبڑی کے نجی ہوٹل سے گرفتار کیا گیا۔ گرفتار ملزمان میں علی خان، اجمل، قاسم، احمد اور حمزہ شامل ہیں۔
ایف آئی اے کا کہنا ہے کہ وہ گرفتار ملزمان سے افغان دستاویزات اور پاکستانی شناختی کارڈ برآمد کرے گی۔ ابتدائی تفتیش کے مطابق ملزمان غیر قانونی طریقے سے پاکستان میں داخل ہوئے تھے۔ ملزمان نے جعلسازی کے ذریعے پاکستانی شناختی کارڈ اور پاسپورٹ بھی حاصل کیے تھے۔
ایف آئی اے ترجمان کے مطابق ملزمان نے انکشاف کیا کہ انہوں نے پاکستانی دستاویزات کی بنیاد پر سعودی عرب کا ورک ویزا حاصل کرنا تھا۔
ترجمان کے مطابق ایف آئی اے نے ملزمان کے خلاف مقدمہ درج کر کے تفتیش شروع کر دی ہے۔
.jpeg)
