پاکستان نے امریکا بھارت دفاعی معاہدہ پر شدید تشویش کا اظہار کرتے ہوئے کہا ہے کہ اس پیشرفت کے خطے کے امن اور توازن پر گہرے اثرات ہوسکتے ہیں۔ ترجمان دفتر خارجہ طاہر اندرابی نے کہا کہ پاکستان اس معاہدے کے تمام پہلوؤں کا باریک بینی سے جائزہ لے رہا ہے۔
ترجمان نے واضح کیا کہ مسلح افواج بھارتی فوجی سرگرمیوں پر کڑی نظر رکھے ہوئے ہیں اور بھارت کی کسی بھی مہم جوئی کا منہ توڑ جواب دیا جائے گا۔ انہوں نے کہا کہ امریکا بھارت دفاعی معاہدہ خطے میں عسکری عدم توازن کو مزید بڑھا سکتا ہے۔