باجوڑ کرکٹ ایسوسی ایشن کے میڈیا کوآرڈینیٹر عبدالغفار خان نے اپنے عہدے سے ذاتی مصروفیات کے باعث استعفیٰ دینے کا اعلان کر دیا ہے۔

تفصیلات کے مطابق عبدالغفار خان نے کہا کہ یہ فیصلہ انہوں نے مکمل غور و فکر کے بعد کیا ہے۔ ان کا کہنا تھا کہ باجوڑ کرکٹ کے فروغ کے لیے کام کرنا ان کے لیے اعزاز کی بات تھی، اور وہ آئندہ بھی کھیل کی بہتری کے لیے اپنے تعاون اور نیک خواہشات برقرار رکھیں گے۔

انہوں نے باجوڑ کرکٹ ایسوسی ایشن کے عہدیداران، کھلاڑیوں، اور میڈیا کے تمام ساتھیوں کا شکریہ ادا کیا جنہوں نے ان پر اعتماد اور تعاون کیا۔

واضح رہے کہ عبدالغفار خان کرکٹ رپورٹنگ اور کمنٹری کے شعبے سے وابستہ ہیں اور کھیلوں کے فروغ کے لیے فعال کردار ادا کرتے رہے ہیں۔