پنجاب حکومت نے سکیورٹی خدشات کے باعث بانی چیئرمین پاکستان تحریک انصاف کے مقدمات کی سماعت اڈیالہ جیل سے ویڈیو لنک کے ذریعے کرنے کا فیصلہ کیاہے۔
ذرائع کے مطابق محکمہ داخلہ پنجاب نے جیل انتظامیہ کی سفارش پر ویڈیو لنک کے ذریعے عدالتی کاروائی کی منظوری دے دی ہے۔ اس فیصلے کے بعد بانی پی ٹی ائی اب ذاتی طورپر عدالتوں میں پیش نہیں ہوں گے بلکہ اڈیالہ جیل سے ویڈیو لنک کے ذریعے مقدمات کی سماعت میں شریک ہوں گے۔
ذرائع کا کہنا ہے کہ محکمہ داخلہ اور جیل حکام نے تمام متعلقہ عدالتوں کو فیصلے سے مطلع کردیاہے۔ جیل میں ویڈیو لنک نظام کے انتظامات مکمل کرلئے گئے ہیں تاکہ سماعتوں کے دوران کسی قسم کی رکاوٹ پیش نہ آئے ۔
