واشنگٹن۔ امریکی صدر ڈونلڈ ٹرمپ نے 900 ارب ڈالر کے دفاعی پالیسی بل پر دستخط کر دیئے ، جس کے بعد یہ بل با قاعدہ طور پر قانون بن گیا ہے۔ غیر ملکی خبر رساں ادارے کے مطابق اس قانون کی منظوری کے بعد امریکی دفاعی بجٹ میں نمایاں اضافہ ہو جائے گا۔
وائٹ ہاؤس کی ترجمان اینا کیلی نے بتایا کہ صدر ٹرمپ نے ایسے قانون پر دستخط کیے ہیں جس کے تحت امریکی فوجیوں کی تنخواہوں میں اضافہ کیا جائے گا۔
ترجمان کے مطابق یہ دفاعی بل امریکا کے پیس تھرو اسٹرینتھ ایجنڈے کے تحت تیار کیا گیا ہے اور اس میں جدید فضائی اور میزائل دفاعی نظام گولڈن ڈوم کیلئے بھی فنڈ مختص کیے گئے ہیں۔
امریکی قانون سازوں کا کہنا ہے کہ نیشنل ڈیفنس آتھرائزیشن ایکٹ (این ڈی اے اے) آئندہ سال کیلئے امریکہ کی قومی سلامتی اور خارجہ پالیسی کی ترجیحات کا تعین کرتا ہے، جس کے تحت دفاعی تیاریوں، فوجی اخراجات اور عالمی سکیورٹی پالیسیوں کو تقویت دی جائے گی۔
1.jpg)
