کرک کے تحصیل تختی نصرتی میں ہفتہ وار میلے کے دوران نامعلوم افراد نے فائرنگ کر دی، جس کے نتیجے میں ایک شخص جاں بحق اور ایک زخمی ہو گیا۔ جاں بحق شخص کی شناخت گل ریاض، عمر 35 سال، تعلق سرکی لواغر کے ساتھ کی گئی جبکہ زخمی کی شناخت معید احمد کے نام سے ہوئی ہے۔ ریسکیو 1122 کی ٹیم فوری طور پر موقع پر پہنچ گئی اور جاں بحق شخص کی لاش کو پوسٹ مارٹم کے لیے تحصیل ہیڈکوارٹر ہسپتال تختی نصرتی منتقل کر دیا۔ پولیس کے مطابق فائرنگ زمین کے تنازعہ کی وجہ سے ہوئی.