ٹیکنالوجی کی دنیا میں ایک بڑا انقلاب سامنے آیا ہے جہاں چینی کمپنی کے تیار کردہ ہیومنائیڈ روبوٹ نے دنیا کے تیز ترین انسان اور جمیکن ایتھلیٹ یوسین بولٹ کی تیز رفتاری کا عالمی ریکارڈ توڑ دیا ہے۔

چینی میڈیا کے مطابق چین کے تیار کردہ "لائٹننگ" (Lightning) نامی ہیومنائیڈ روبوٹ نے 100 میٹر کا فاصلہ محض 9.32 سیکنڈ میں طے کر کے نیا تاریخ رقم کر دی ہے۔ روبوٹ کی اس حیران کن کارکردگی نے یوسین بولٹ کے 9.58 سیکنڈ کے انسانی عالمی ریکارڈ کو پیچھے چھوڑ دیا ہے۔

یہ کارنامہ رواں ہفتے سے شروع ہونے والے دوسرے "ورلڈ ہیومنائیڈ روبوٹ گیمز" کے تیاری کے مرحلے کے دوران پیش آیا، جہاں اس ہیومنائیڈ روبوٹ نے 14.5 میٹر فی سیکنڈ کی زبردست رفتار حاصل کی۔

واضح رہے کہ جمیکا کے مشہور ایتھلیٹ یوسین بولٹ نے سال 2009 میں 100 میٹر کا فاصلہ 9.58 سیکنڈ میں طے کر کے عالمی ریکارڈ بنایا تھا، جس میں ان کی اوسط رفتار 10.44 میٹر فی سیکنڈ تھی، تاہم اب روبوٹک ٹیکنالوجی نے اس انسانی ریکارڈ کو مات دے دی ہے۔