کراچی (صرافہ رپورٹر): عالمی مارکیٹ میں قیمتوں کے اتار چڑھاؤ کے باعث پاکستان کے مقامی صرافہ بازاروں میں بھی سونے کی قیمتوں میں ایک بار پھر اضافہ ریکارڈ کیا گیا ہے۔   آل پاکستان جیمز اینڈ جیولرز ایسوسی ایشن کی جانب سے جاری کردہ تازہ ترین اعداد و شمار کے مطابق مقامی بلین مارکیٹ میں فی تولہ سونے کی قیمت میں 300 روپے کا اضافہ دیکھا گیا ہے، جس کے بعد صوبائی دارالحکومت کراچی سمیت ملک بھر میں 24 قیراط فی تولہ سونے کا بھاؤ بڑھ کر 4 لاکھ 27 ہزار 736 روپے کی سطح پر پہنچ گیا ہے۔