کولمبو: سری لنکا نے پاکستان سمیت دنیا کے 40 ممالک کے شہریوں کے لیے ویزا فیس ختم کرنے کا بڑا اعلان کر دیا، سیاح اب بغیر کسی فیس کے ویزا حاصل کر سکیں گے۔
کولمبو سے موصولہ اطلاعات کے مطابق، سری لنکن حکومت نے سیاحت کو فروغ دینے اور سفارتی تعلقات کو مضبوط بنانے کے لیے ایک اہم فیصلہ کیا ہے۔ اس نئی پالیسی کے تحت پاکستان سمیت 40 ممالک کے شہریوں کو خوشخبری سنائی گئی ہے کہ انہیں اب سری لنکا کے ویزا کے حصول کے لیے کوئی فیس ادا نہیں کرنی پڑے گی۔ حکومت نے ان تمام ممالک کے شہریوں کو ویزا فیس سے مکمل استثنیٰ دے دیا ہے، جس کے بعد مسافر اب بغیر کسی مالی بوجھ کے ویزا حاصل کر کے ملک میں داخل ہو سکیں گے۔
رپورٹ کے مطابق ان خوشقسمت ممالک کی فہرست میں پاکستان کے علاوہ سعودی عرب، متحدہ عرب امارات، عمان، قطر، ترکی، آسٹریلیا، آسٹریا، بحرین، بیلاروس، بیلجیم، کینیڈا، چین، جمہوریہ چیک، ڈنمارک، فن لینڈ، فرانس، جرمنی، انڈیا، انڈونیشیا، ایران، اسرائیل، اٹلی، جاپان، قازقستان، کویت، ملائیشیا، نیپال، نیدر لینڈز، نیوزی لینڈ، ناروے، پولینڈ، روس، جنوبی کوریا، اسپین، سویڈن، سوئٹزرلینڈ، تھائی لینڈ، برطانیہ اور امریکہ شامل ہیں۔ حکام کا کہنا ہے کہ ان ممالک کے شہری نئی اسکیم کے تحت مفت ای ٹی اے (ETA) حاصل کرنے کے اہل ہوں گے، جس کا بنیادی مقصد سری لنکا کو ایک پرکشش عالمی سیاحتی مرکز بنانا ہے۔
اہم تفصیلات
