ضلع کرم میں پولیس نے کم عمر بچے کے ساتھ مبینہ زیادتی کے واقعے میں ملوث دو افراد کو حراست میں لے لیا ہے اور مقدمہ درج کر کے تحقیقات کا آغاز کر دیا گیا ہے۔

پولیس حکام کے مطابق پاراچنار کے رہائشی ایک شہری کی جانب سے تھانے میں شکایت درج کرائی گئی، جس میں اپنے کم سن بچے کے ساتھ پیش آنے والے واقعے کی نشاندہی کی گئی تھی۔ اطلاع ملنے پر فوری طور پر کارروائی شروع کی گئی۔

ملک حبیب خان نے واقعے کا نوٹس لیتے ہوئے متعلقہ اہلکاروں کو فوری کارروائی کی ہدایت جاری کی۔ اس کے بعد پولیس ٹیموں نے مختلف مقامات پر چھاپے مار کر دو مشتبہ افراد کو گرفتار کر لیا۔

گرفتار ہونے والوں میں نصرت حسین اور سید حسینی شامل ہیں، جن کے خلاف باقاعدہ مقدمہ درج کر لیا گیا ہے۔ پولیس کا کہنا ہے کہ کیس کے مختلف پہلوؤں پر مزید تحقیقات جاری ہیں تاکہ حقائق کو مکمل طور پر سامنے لایا جا سکے۔