سوات کے علاقے رحیم آباد میں نامعلوم افراد کی جانب سے ایک گاڑی پر فائرنگ کے نتیجے میں تین افراد جاں بحق ہو گئے۔

پولیس حکام کے مطابق واقعے کے فوراً بعد امدادی کارروائی کرتے ہوئے لاشوں کو سیدو شریف اسپتال منتقل کر دیا گیا، جہاں ضروری قانونی کارروائی مکمل کی جا رہی ہے۔

ابتدائی اطلاعات کے مطابق فائرنگ کی وجوہات فوری طور پر سامنے نہیں آ سکیں، جبکہ حملہ آوروں کی شناخت اور گرفتاری کے لیے کوششیں جاری ہیں۔

پولیس نے جائے وقوعہ سے شواہد اکٹھے کر کے واقعے کی باقاعدہ تحقیقات شروع کر دی ہیں۔ حکام کا کہنا ہے کہ مختلف پہلوؤں سے واقعے کا جائزہ لیا جا رہا ہے تاکہ اصل محرکات سامنے لائے جا سکیں۔

علاقے میں پیش آنے والے اس واقعے کے بعد خوف و ہراس کی فضا پھیل گئی، جبکہ سیکیورٹی اداروں نے علاقے میں گشت بڑھا دیا ہے۔