اسلام آباد: وزارتِ مذہبی امور نے حج 2026 کے لیے پاکستان سے عازمین کو مدینہ منورہ اور جدہ پہنچانے کے مکمل پروازوں کا شیڈول جاری کر دیا ہے۔ وزارت کے مطابق حج آپریشن کا آغاز 18 اپریل سے ہوگا اور یہ 34 روز تک جاری رہے گا۔

حکام کے مطابق رواں سال سرکاری اسکیم کے تحت ایک لاکھ 19 ہزار عازمین حج کی روانگی یقینی بنائی جائے گی، جن میں 67 ہزار 230 مرد اور 51 ہزار 846 خواتین شامل ہیں۔

حج کے پہلے دن چار پروازیں روانہ ہوں گی، جو کراچی، لاہور، سیالکوٹ اور ملتان سے مدینہ منورہ کے لیے روانہ ہوں گی۔ پہلے 15 روز کے دوران زیادہ تر پروازیں مدینہ منورہ کے لیے چلائی جائیں گی، جس کے لیے کل 186 پروازیں مختص کی گئی ہیں، جبکہ جدہ کے لیے 282 پروازیں آپریٹ کی جائیں گی۔

وزارت کے مطابق مدینہ منورہ کے لیے طویل حج پرواز 7 مئی کو روانہ ہوگی، جبکہ پاکستان سے آخری حج پرواز 21 مئی کو مدینہ منورہ یا جدہ کے لیے پرواز کرے گی۔

اس حج آپریشن میں پاکستان انٹرنیشنل ایئرلائنز (PIA)، ایئر بلیو، ایئر سیال اور سعودی فضائی کمپنی فعال کردار ادا کریں گی۔ پروازیں پاکستان کے آٹھ بڑے شہروں سے چلائی جائیں گی، جن میں اسلام آباد سے 129، کراچی سے 124، لاہور سے 104، کوئٹہ سے 18، ملتان سے 34، سیالکوٹ سے 26، فیصل آباد سے 23 اور سکھر سے 5 پروازیں شامل ہیں۔

وزارتِ مذہبی امور نے عازمین سے اپیل کی ہے کہ وہ شیڈول کے مطابق اپنے سفری انتظامات مکمل کریں اور حج کے دوران دی جانے والی ہدایات پر عمل کریں تاکہ حج کا عملہ اور عازمین با آرامی اور محفوظ طریقے سے حجاز مقدس پہنچ سکیں۔