پاکستان تحریک انصاف کے بانی اور سابق وزیرِاعظم عمران خان نے عید کے روز اپنے بیٹوں سے ٹیلیفون پر گفتگو کی، جسے جیل ذرائع نے ایک اہم پیش رفت قرار دیا ہے۔
ذرائع کے مطابق یہ گفتگو تقریباً 25 سے 30 منٹ تک جاری رہی، جس دوران ان کے بیٹوں قاسم خان اور سلیمان خان نے اپنے والد کی خیریت دریافت کی اور ان کی صحت کے بارے میں سوالات کیے۔
جیل حکام کے مطابق اس بات چیت کے بعد عمران خان نے خوشی اور اطمینان کا اظہار کیا۔ ذرائع کا کہنا ہے کہ عید جیسے موقع پر اہلِ خانہ سے رابطہ ان کے لیے حوصلہ افزا ثابت ہوا۔
تاحال اس حوالے سے حکومتی یا سرکاری سطح پر کوئی باضابطہ بیان سامنے نہیں آیا، تاہم جیل ذرائع اس پیش رفت کو انسانی بنیادوں پر ایک مثبت قدم قرار دے رہے ہیں۔