ڈیرہ اسماعیل خان میں مولانا فضل الرحمان کے صاحبزادے مولانا اسجد محمود کے اسکواڈ کی گاڑی کو حادثہ پیش آیا جس کے نتیجے میں دو رضا کار جاں بحق ہوگئے۔

مولانا فضل الرحمان کے صاحبزادے مولانا اسجد محمود کے اسکواڈ کی گاڑی ڈیرہ اسماعیل خان کے علاقے وانڈا یارک کے قریب حادثے کا شکار ہوگئی۔
پولیس کے مطابق حادثے میں انصار الاسلام کے دو رضاکار جاں بحق اور ایک زخمی ہوگیا۔
پولیس کا کہنا ہے کہ جاں بحق افراد کا تعلق ضلع لکی مروت سے ہے، جاں بحق اور زخمیوں کو اسپتال منتقل کردیا گیا ہے۔