ملک میں عیدالفطر کے چاند کی رویت کے حوالے سے مرکزی رویت ہلال کمیٹی کا اجلاس جمعرات کے روز اسلام آباد میں منعقد ہوگا، جس کی صدارت کمیٹی کے چیئرمین مولانا عبدالخبیر آزاد کریں گے۔ اجلاس میں ماہِ شوال کے چاند کی رویت سے متعلق موصول ہونے والی شہادتوں کا جائزہ لیا جائے گا۔
ذرائع کے مطابق مختلف شہروں میں قائم زونل رویت ہلال کمیٹیوں کے اجلاس بھی بیک وقت منعقد ہوں گے، جہاں شہریوں کی جانب سے موصول ہونے والی شہادتیں جمع کر کے مرکزی کمیٹی کو ارسال کی جائیں گی۔ لاہور میں زونل کمیٹی کا اجلاس ایوانِ اوقاف میں منعقد کیا جائے گا جہاں شہر اور صوبہ پنجاب کے مختلف علاقوں سے چاند دیکھنے کی گواہیوں پر غور کیا جائے گا۔
مرکزی رویت ہلال کمیٹی کے چیئرمین مولانا عبدالخبیر آزاد کے مطابق عیدالفطر کے چاند کی رویت کا حتمی اعلان مستند شہادتوں کی بنیاد پر کیا جائے گا۔ انہوں نے بتایا کہ چاند کی رویت کے معاملے میں محکمہ موسمیات اور سپارکو سے بھی تکنیکی معاونت حاصل کی جائے گی تاکہ درست اور بروقت فیصلہ کیا جا سکے۔
اجلاس کے بعد چاند نظر آنے یا نہ آنے سے متعلق باضابطہ اعلان مرکزی رویت ہلال کمیٹی کی جانب سے کیا جائے گا، جس کے بعد ملک بھر میں عیدالفطر کی تاریخ کا تعین ہو سکے
