سوات میں مقیم غیر قانونی افغان مہاجرین کے خلاف پولیس کا کریک ڈاؤن جاری ہے اور تازہ کارروائی میں مزید 21 افغان باشندوں کو گرفتار کرکے جیل منتقل کیا گیا ہے،
جس کے بعد مجموعی طور پر سوات میں گرفتار غیر قانونی افغانیوں کی تعداد 101 ہو گئی ہے۔
ذرائع کے مطابق ضلع بھر میں تقریباً 3,000 کے قریب غیر قانونی افغان مہاجرین مقیم ہیں جن میں سے کئی خاندان واپس جا چکے ہیں، تاہم اب بھی کئی قانونی اور غیر قانونی افغان شہری مقیم ہیں۔
تحقیقات میں یہ انکشاف بھی ہوا ہے کہ درجنوں افغان خاندانوں نے پاکستانی شناختی کارڈ حاصل کیے ہیں اور متعدد نے کپڑے، فروٹ و سبزی کے بڑے کاروبار اور دیگر تجارتی سرگرمیوں کے ساتھ کروڑوں سے اربوں روپے کی جائیدادیں بنائی ہیں۔
حکومتی احکامات کے باوجود سوات ان افغان مہاجرین کی وطن واپسی کا عمل سست روی کا شکار ہے ۔
1.jpeg)
