کسٹم حکام کی کامیاب کارروائی افغانستان سے آنے والی گاڑی سے کروڑوں روپے مالیت کی چاندی برآمد کر لی گئی.

تفصیلات کے مطابق طورخم کسٹم اسٹیشن میں کسٹم کلکٹر اپریزمنٹ پشاور غلام مصطفی اور اسسٹنٹ کلکٹر امیر حمزہ کی ہدایت پر سپرنٹنڈنٹ ضیاء الحق کی قیادت میں انسپکٹر افتخار، مشکت شاہ اور جبار نے دوران تلاشی افغانستان سے آنی والی خالی گاڑی کے خفیہ خانوں سے 30 کلو چاندی جس کی قیمت تقریباً چار کروڑ 80 لاکھ روپے مالیت بتائی جاتی ہیں ٹرک کے ٹائروں میں چھپائی گئی تھی سے برآمد کر لی اور ملزم کو گرفتار کرکے مقدمہ درج کر لیا اور مزید تفتیش کیلئے کسٹم ہاؤس پشاور منتقل کر دیا گیا،

اس موقع پر کسٹم کلکٹر غلام مصطفی کا کہنا تھا کہ طورخم کسٹم اسٹیشن میں کسی کو اسمگلنگ کی اجازت نہیں دینگے اور اس کے خاتمے کیلئے تمام وسائل بروئے کار لائیں گے انہوں نے بہترین کارکردگی پر طورخم کسٹم اسٹیشن عملہ کو شاباش دی اور آئندہ بھی اس طرح کامیاب کارروائی جاری رکھنے کی ہدایت کر دی.