اسلام آباد ۔ مالی سال 2025 میں سرکاری اداروں کے خسارے میں 300 فیصد کا زبردست اضافہ ہوا۔
میڈیا رپورٹ کے مطابق بھاری خسارے میں چلنے والے سرکاری اداروں کو مالی سال 2024-25 کے دوران 123 ارب روپے کا نقصان ہوا جب کہ گزشتہ مالی سال 2023-24 میں یہ نقصان 30.6 ارب روپے تھا۔
رپورٹ کے مطابق مالی سال 2025 میں سرکاری اداروں کے خسارے میں 300 فیصد اضافہ ہوا، این ایچ اے 153 ارب روپے کے خسارے کے ساتھ سرفہرست ہے۔
اس کے علاوہ کوئٹہ الیکٹرک کو 58.1 ارب روپے، سکھر الیکٹرک کو 29.6 ارب روپے، پاکستان ریلوے کو 26.5 ارب روپے، پشاور الیکٹرک کو 19.7 ارب روپے کا نقصان ہوا، جبکہ پاکستان اسٹیل ملز کو 15.6 ارب روپے کا نقصان ہوا۔
مالی سال 2025 کی پہلی ششماہی میں بڑے خسارے والے سرکاری اداروں کو مجموعی طور پر 343 ارب روپے کا نقصان ہوا تاہم گزشتہ سال کے مقابلے خسارے میں 2 فیصد بہتری آئی۔
