پولیس کے مطابق زخمیوں میں لڑکیاں اور خواتین شامل ہیں تاہم مختلف علاقوں میں کارروائیوں کے دوران ہوائی فائرنگ میں ملوث 56 افراد کو گرفتار کر لیا گیا۔
ریسکیو ذرائع کے مطابق کورنگی، گولیمار، فائیو اسٹار اور نیو سبزی منڈی سمیت مختلف علاقوں میں فائرنگ سے شہری زخمی ہوئے۔
ادھر حیدر آباد میں سال نو کے موقع پر ہوائی فائرنگ سے 4 جبکہ نواب شاہ میں 2 افراد زخمی ہو گئے۔
واضح رہے کہ سال نو کے موقع پر محکمہ داخلہ سندھ نے کراچی میں اسلحے کی نمائش اور ہوائی فائرنگ پر پابندی کا نوٹیفکیشن جاری کیا تھا۔
پولیس نے ہوائی فائرنگ کرنے والوں کی شناخت کے لیے ڈرون کیمرے لگانے کا بھی فیصلہ کیا تھا۔
پولیس کے مطابق لیاقت آباد، شریف آباد، عزیز آباد، ناظم آباد اور دیگر علاقوں میں ڈرون اڑانے کا فیصلہ کیا گیا۔ ہوائی فائرنگ کرنے والوں کی ویڈیو ریکارڈنگ کے بعد مقدمہ درج کیا جائے گا۔
پولیس حکام کا کہنا ہے کہ 16 سے زائد تھانوں کو ڈرون کیمرے فراہم کیے گئے ہیں۔
