پاکستان ٹیلی کمیونیکیشن اتھارٹی (پی ٹی اے) نے واضح کیا ہے کہ کسی اور کے نام پر رجسٹرڈ سم کا استعمال قانون کی خلاف ورزی ہے۔ سم کے غلط استعمال کی تمام تر ذمہ داری رجسٹرڈ صارف پر عائد ہوگی۔

پی ٹی اے کے مطابق صارفین کالز، میسجز اور ڈیٹا کے استعمال میں قوانین کے پابند ہوں گے، خلاف ورزی کی صورت میں قانونی کارروائی کی جا سکے گی۔ اتھارٹی نے شہریوں پر زور دیا ہے کہ وہ ذمہ دارانہ رویہ اپنائیں اور مواصلاتی نظام کی سلامتی اور استحکام میں اپنا کردار ادا کریں۔