لنڈی کوتل میں سی اینڈ ڈبلیو کی گرنے والے رابطہ پل پر جمیعت علمائے اسلام لنڈیکوتل کے امیر مولانا عاقب نے اپنی مدد آپ کے تحت کام شروع کر دیا. سی اینڈ ڈبلیو ڈپارٹمنٹ کے انجینئرنگ ٹیم اور ٹھیکیدار نے میڈیا کو بتایا کہ یہ پل سیلاب کی وجہ سے بہہ گیا تھا جس پر ایم پی اے عدنان قادری نے ان کی تعمیر کیلئے کوشش کی اس کی ٹینڈر اور ورک آرڈر بھی جاری کیا جا چکا ہے لیکن مقامی لوگوں نے اپنی مدد آپ کے تحت خود اسکی تعمیر کا کام شروع کیا ہے. جبکہ اسکی این او سی نہیں لیا ہے. ڈپارٹمنٹ کے اہلکاروں نے بتایا کہ چونکہ یہ کام محکمہ کمیونیکیشن اینڈ ورک کا ہوتا ہے اسلئے اسکی تعمیر کیلئے فنڈ بھی منظور ہوا ہے. لیکن مقامی لوگ بضد ہیں کہ وہ یہ کام خود کرینگے. اسلئے اس پل کے گرنے کی کوئی ذمہ داری ان پر عائد نہیں ہوگی. دوسری جانب مولانا عاقب نے بتایا کہ علاقے کی آشد ضرورت تھی جس کی خاطر انہوں نے مخیر حضرات کے تعاون سے اسکی تعمیر پر کام شروع کیا ہے اور کام معیاری ہو رہا ہے.